बंगलादेशमा शेख हसिनाविरुद्ध फाँसीको फैसला पछि विरोध प्रदर्शन

ढाका । बंगलादेशको अन्तर्राष्ट्रिय अपराध न्यायाधिकरणले पूर्वप्रधानमन्त्री शेख हसिनालाई मानवताविरुद्धको अपराधमा दोषी ठहर गर्दै फाँसीको सजाय सुनाएपछि राजधानी ढाकामा विरोध प्रदर्शन सुरु भएको छ। प्रहरीले प्रदर्शनकारीलाई तितरबितर पार्न ग्रेनेड र लाठी प्रयोग गरेको छ।

गत वर्ष जुलाई-अगस्टमा विद्यार्थी आन्दोलनको क्रममा १,४०० भन्दा बढी मानिसको मृत्यु भएको घटनामा संलग्न भएको आरोपमा हसिनालाई मृत्युदण्डको फैसला सुनाइएको हो। उनका साथ असदुज्जमान खान कमललाई पनि मृत्युदण्डको सजाय दिइएको छ।

विद्यार्थी विद्रोह उग्र भएपछि सन् २०२४ अगस्ट ५ मा हसिनाले १५ वर्षे शासन सत्ता त्यागेर हेलिकप्टरमार्फत देश छोडेकी थिइन्। हाल उनी भारतमा शरणमा छन्। कमल पनि हाल भारतमै रहेको बताइएको छ।