सिद्धार्थ बैक नेपाल प्रिमियर लिग (एनपीएल) अन्तर्गत कर्णाली याक्सले चितवन राइनोजसामु १६७ रनको लक्ष्य तोकेको छ। कीर्तिपुरस्थित त्रिवि क्रिकेट मैदानमा चितवनले टस जितेर फिल्डिङ रोजेपछि कर्णालीले निर्धारित २० ओभरमा ३ विकेट गुमाउँदै १६६ रन बनायो।
कर्णालीका ओपनर प्रियाङ्क पन्चलले ४८ बलमा ७ चौका र ६ छक्का प्रहार गर्दै ९० रन बनाए। उनका साथै मार्क वाटले २१ बलमा १६ रन, म्याक्स ओ डाउडले ६ बलमा २ रन योगदान गरे। पावर सरार्फ २७ रन र नजिबुल्लाह जड्रान ४ रनमा अविजित रहे।
चितवनका लागि सोहेल तनविर, सैफ जैव र रवि बोपाराले समान एक–एक विकेट लिए। चितवनले केहीबेरमा जवाफी ब्याटिङ सुरु गर्नेछ।
