प्रधानाध्यापक ठाकुरविरूद्ध भ्रष्टाचार मुद्दा दायर

काठमाडौँ – अख्तियार दुरूपयोग अनुसन्धान आयोगले धनुषा, विदेह–२ स्थित शङ्कर जनता माध्यमिक विद्यालयका प्रधानाध्यापक धनिकलाल ठाकुरविरूद्ध विशेष अदालतमा भ्रष्टाचार मुद्दा दायर गरेको छ।

आयोगको दाबी अनुसार, आर्थिक वर्ष २०७८/७९ मा ICT ल्याब स्थापना र २०७९/८० को राष्ट्रपति शैक्षिक सुधार कार्यक्रमअन्तर्गत आईटी ल्याब तथा डिजिटल लाइब्रेरी सुदृढीकरणमा रकम हिनामिना भएको छ।

ठाकुरसहित तत्कालीन लेखापाल अरूणकुमार कुशियैतविरूद्ध जनही ८ लाख ६२ हजार १५२ रुपैयाँ बिगो रकमसहित मुद्दा दायर गरिएको छ। आयोगले जारी गरेको विज्ञप्तिमा भनिएको छ कि खरिद गरिएका प्रोजेक्टर (८७,५०० रुपैयाँ) र स्कूल सफ्टवेयर/स्ट्यान्ड (१ करोड २४ लाख ६ सय ५२ रुपैयाँ) विद्यालयको अभिलेखमा देखिन नआएको छ।

आयोगले दुबै प्रतिवादीले सरकारी सार्वजनिक सम्पत्ति हिनामिना, हानि–नोक्सानी र दुरूपयोग गरेको भन्दै भ्रष्टाचार निवारण ऐन, २०५९ को दफा १७ बमोजिम सजायको मागसहित आरोपपत्र दायर गरेको जनाएको छ।