भरतपुरमा माघ १९ गते देखि सातौं अन्तर्राष्ट्रिय आमन्त्रण भेट्रान फुटबल प्रतियोगिता हुने

भरतपुर,माघ ६ – चितवनको भरतपुर-७ स्थित कृष्णपुर खेल मैदानमा सातौं अन्तर्राष्ट्रिय आमन्त्रण भेट्रान फुटबल प्रतियोगिता हुने भएको छ। चितवन भेट्रान फुटबल क्लवको आयोजनामा यहि माघ १९ गते देखि २४ गते सम्म संचालन हुन लागेको सो खेल प्रतियोगिता स्व. दिलिप राणाको सातौँ स्मृतिमा हुन लागेको हो। प्रतियोगितामा पूर्व मेची देखि पश्चिम महाकालीसम्म र अन्तर्राष्ट्रिय टिम सहित जम्मा १६ टिमले सहभागिता जनाउने छन् ।

स्वदेश तथा विदेशका पूर्व राष्ट्रिय तथा अन्तर्राष्ट्रिय खेलाडीहरुको सहभागीता रहने सो खेल प्रतियोगितामा ८ ए साइड (8A Side) मा खेलाईनेछ । चितवन भेट्रान फुटबल क्लवको मुख्य उद्देश्य भनेको स्थानिय स्तरमा फुटबल खेत्तको विकास गर्ने र उमेर पुगेका पूर्व राष्ट्रिय खेलाडीहरुलाई जमघट गराई युवा वर्गमा फुटबल प्रति सकारात्मक धारणा सृजना गर्नु रहेको आयोजकले बताएको छ।

सो क्लबले विगतका वर्षमा झै सञ्चालन लागेको स्व. दिलिप राणा स्मृति सातौं अन्तर्राष्ट्रिय आमन्त्रण भेट्रान फुटबल प्रतियोगिता-२०८२ अहिले सम्मकै उत्कृष्ट फुटबल प्रतियोगिता हुने कुरामा कुनै द्विविधा नरहेको समेत बताएको छ।

उक्त प्रतियोगितामा प्रथम टिमलाई ट्रफी, मेडल सहित नगद रु. १,५०,००० र दोस्रो टिमलाई ट्रफी, मेडल सहित नगद रु. ७५,००० प्रदान गरिनेछ। त्यस्तै, प्रत्येक खेलका मेनअफ द म्याच पुरस्कार जनही रु. २००० र कप प्रदान गरिनेछ भने म्याच अफ व टूनमिन्टलाई नगद रु. १००००, बेष्ट गोलकिपरलाई नगद रु. ५००० ,बेष्ट फर्वाहलाई नगद रु. ५००० ,बेष्ट डिफेन्सलाई नगद रु. ५००० , बेष्ट मिडफिल्डरलाई नगद रु. ५०००,हाईयर स्कोररलाई नगद रु. ५००० ,बेष्ट कोचलाई नगद रु. ५००० प्रदान गरिनेछ।

सो खेल प्रतियोगितामा प्रत्येक क्लबले खेलाडी संख्या १२ कोच १ र टिम म्यानेजर १ गरी जम्मा जम्मा १४ जनाको नामावली पेश गर्नुपर्नेछ। त्यस्तै,खेलको लागि टिम म्यानेजरले पनि खेलाडीको रुपमा खेल्न पाउनेछन् । सो खेल फिफाको नियम अनुसार खेलाइने छ (खेलाडी परिवर्तन र समयमा यो नियम लागू हुने छैन। नकआऊटको आधारमा खेलाइनेछ। सो खेल प्रतियोगितामा एन. आर.टि. एफ.सी. भेट्रान, हेटौडा भेट्रान क्लब हेटौडा,एबीसी भेट्रान क्लब, पोखरा,फिडम फाईटर, काठमाडौं,कुपण्डोल भेट्रान ललितपुर,सिमरा भेट्रान क्लब, बारा,चावेल भेट्रान क्लव,नमोबुद्ध युवा क्लब भेट्रान बुटबल,चितवन भेट्रान फुटबल क्लब (रातो),चितवन भेट्रान फुटबल क्लब (निलो),नागास्वती भेट्रान हेटौडा,वगरभाई खलक भेट्रान पोखरा,कैलाली भेट्रान कैलाली,झापा भेट्रान,कलकत्ता भेट्रान र विरगंज सिटी विरगंजले सहभागीता जनाउनेछन।