लियो–लायन्स क्लब अफ चितवन युवाको प्रथम साधारण सभा सम्पन्न ,नयाँ नेतृत्व चयन

चितवन, असार १७ – लियो–लायन्स क्लब अफ चितवन युवाले लायन वर्ष २०२६/२७ का लागि नयाँ कार्यसमिति घोषणा गरेको छ।
बुधबार भरतपुर–१० स्थित बगान रेस्टुरेन्ट एण्ड लाउन्ज (चिया पोइन्ट)मा सम्पन्न क्लबको प्रथम साधारण सभाले नयाँ नेतृत्व चयन गर्दै आगामी कार्यदिशासमेत तय गरेको हो।
क्लबका अध्यक्ष लियो–लायन विकास पाण्डेको सभापतित्वमा सम्पन्न कार्यक्रममा लियो–लायन गौरव उपाध्याय तथा प्रमुख क्लब सल्लाहकार लियो–लायन पुरुषोत्तम सुवेदीको विशेष उपस्थिति रहेको थियो।
नवनिर्वाचित कार्यसमितिको प्रथम उपाध्यक्षमा लियो–लायन गीता शर्मा (अञ्जिला), द्वितीय उपाध्यक्षमा लियो–लायन विनोद श्रेष्ठ, सचिवमा लियो–लायन प्रबल भुर्तेल, कोषाध्यक्षमा लियो–लायन साधिक्षा न्यौपाने, सहसचिवमा लियो–लायन प्रज्ञा लामटाङ, सदस्यता संयोजकमा लियो–लायन सन्ध्या शर्मा, सहकोषाध्यक्षमा लियो–लायन रामानुज घिमिरे, जनसम्पर्क अधिकृतमा लियो–लायन सबिना कँडेल, टेल ट्विस्टरमा लियो–लायन आयशा सापकोटा, टेमरमा लियो–लायन रमेश गौतम तथा निर्देशकमा लियो–लायन कृष्ण क्षेत्री र लियो–लायन तेज कुँवर चयन हुनुभएको छ।
साधारण सभामा क्लबको संस्थागत सुदृढीकरण, नेतृत्व विकास तथा सामाजिक सेवाका विविध कार्यक्रमलाई प्रभावकारी रूपमा अघि बढाउने विषयमा छलफल भएको थियो। कार्यक्रममा सहभागीहरूले युवालाई नेतृत्व, सेवा र सामाजिक उत्तरदायित्वसँग जोड्दै समाजमा सकारात्मक परिवर्तन ल्याउने प्रतिबद्धता व्यक्त गरेका थिए।
क्लबले आगामी कार्यकालमा सामाजिक सेवा, नेतृत्व विकास र समुदायमुखी कार्यक्रमलाई प्राथमिकताका साथ अघि बढाउने जनाएको छ।