भरतपुर/कैलाली जिल्ला गोदावरी नगरपालिका वडा नं. १ अत्तरियाका स्थायी बासिन्दा, कैलाली निर्वाचन क्षेत्र नं. ४ बाट निर्वाचित प्रतिनिधि सभा सदस्य एवं नेपाल कम्युनिष्ट पार्टीका स्थायी कमिटी सदस्य माननीय लेखराज भट्ट नेपाल सरकारको हालैको निर्णयबाट गरिमामय उद्योग, वाणिज्य तथा आपूर्ति मन्त्रीमा चयन हुनु भएकोमा चितवन उद्योग संघले हार्दिक वधाई एवं शुभकामना व्यक्त गरेको छ ।
संघको सभाहलमा आयोजित एक समारोहमा माननीय लेखराज भट्टलाई चितवन उद्योग संघका बरिष्ठ उपाध्यक्ष राजु पौडेलले स्वागत गर्नुभएको थियो । कार्यक्रममा राष्ट्रिय किसान आयोगका अध्यक्ष चित्रबहादुर श्रेष्ठ, भरतपुर महानगरपालिकाकी प्रमुख रेनु दाहाल, चितवन उद्योग संघका बरिष्ठ उपाध्यक्ष राजु पौडेल, उपाध्यक्षहरु त्रिलोचन कँडेल, सूर्यप्रसाद न्यौपाने, लक्ष्मण अर्याल, कार्यसमिति सदस्यहरु मदन चिरञ्जीवी पोखरेल, दुर्गाप्रसाद भण्डारी, बिष्णुप्रसाद पौडेल, गजेन्द्र अधिकारी, युग राज वस्ती, गोपाल प्रसाद गैरे, ईश्वरीप्रसाद रिजाललगायत अन्य उद्योगी, व्यवसायीहरुको उपस्थिति रहेको थियो ।
चितवन उद्योग संघका कार्यकारी निर्देशक गणेशप्रसाद सिलवालले सञ्चालन गर्नुभएको कार्यक्रममा उद्योगी, व्यवसायीहरुले उद्योगका सञ्चालनका क्रममा आएका समस्या र त्यसको न्यूनिकरणका बारेमा मन्त्री भट्टसँग छलफल समेत गरेका थिए । कार्यक्रमलाई चितवन उद्योग संघका उपाध्यक्ष त्रिलोचन कँडेलले धन्यवाद मन्तव्य सहित समापन गर्नुभएको थियो । मन्त्री भट्ट नेपाल कृषि मेशिनरी व्यवसायी संघले आयोजनको गरेको चौथो राष्ट्रिय कृषि यान्त्रीकरण प्रदर्शनी–२०७६ को अवसरमा चितवन आउनुभएको हो ।
