गैँडाकोटस्थित अक्सफोर्ड कलेजमा विद्यार्थी फेरि बिचल्लीमा परेका छन् ।
यसअघि पनि पटकपटक विद्यार्थीको अध्ययनसँग सम्बन्धित विषयमा खेलबाड गरेको यस कलेजले यसपटक विश्वविद्यालयबाट स्वीकृति नै नलिई विषय पढाएको विश्वविद्यालयले जनाएको छ । तर कलेजका प्रिन्सिपल हरि भण्डारीले भने, ‘हामीलाई दुःख दिन र बदनाम गर्न विश्वविद्यालयबाट पटकपटक नचाहिँदा काम भएका छन्, यसपटक पनि हामीमाथि अन्याय भएको छ, अब अख्तियार जान्छौँ ।’
विश्वविद्यालयले पढाउँदा हुन्छ भनी अनुमति दिएको कलेज प्रशासनको भनाइ छ । अनुमति दिएको लिखित प्रमाण छैन । ट्रान्सक्रिप्ट दिने बेलामा टनेल विषय रजिष्टर नै छैन भनी विश्वविद्यालयले ट्रान्सक्रिप्ट दिएन । विश्वविद्यालयले भने कलेजले रजिष्टर नभएको विषय पढाएको भनेको छ । ‘हामीले विश्वविद्यालय गएर बुझ्दा सरासर कलेजको गल्ती छ भने’, एक विद्यार्थीले भने, ‘एकआपसमा दोष देखाएर हामी विद्यार्थीलाई बिचल्लीमा पार्ने काम भएको छ ।’
चितवन पोष ्टबाट
