मेरो किनमेल प्रा लि खाना र खाजा डेलिभरीको लागि चितवन अत्याधिक रुचाइएको संस्था हो । बिगत ४ बर्ष देखि चितवन र नवलपरासीमा खाजा र खाना डेलिभरी गरिरहेको मेरो किनमेलले भान्साको सामग्री ( खाद्यान्न सामग्री ) पनि डेलिभरीको सुरुवात गरेको छ ।
‘हामीले खाद्यान्न डेलिभेरीको लागि योजना पहिले देखि नै बनाएको थियौ । यो लक डाउनको बेला मानिसहरुले सास्ती पाएको देखेर तत्कालै सुरुवात गरेको हो ‘ मेरो किनमेल प्रालिका कार्यकारी निर्देशक सन्तोष कंडेलले नारायणी दैनिकसंग बताउनु भयो ।
मेरो किनमेलले नारायणगढलाई मद्य बिन्दु बनाएर ५ किलो मिटर वरिपरिको दुरीमा डेलिभरी अर्थात् घर सम्म पुर्याउने व्यवस्था गर्ने छ । ग्राहकले घरमै बसेर मेरो किनमेलको मोवाइल एप्लीकेसन डाउनलोड गरि, वेब साइट मार्फत र फोनबाट पनि अर्डर गर्न सक्ने कंडेलले जानकारी दिनु भयो । मेरो किनमेल मार्फत दैनिक उपभोग्य सामग्री जस्तै नुन , चामल , तरकारी , चिनी , दाल , मसला , चियापत्ती , चाउचाउ, भुजा, बिस्कुट, कुकिज़ , साबुन , पेय पदार्थ आदि मगाउन सकिन्छ ।
ग्राहकले सामान मगाउदा बिहान १० बजे देखि बेलुका ६ बजे सम्म सम्पर्क गर्न सक्ने छन् र सोहि अवधिमा डेलिभरी गरिने कंडेलले जानकारी दिनुभयो । रकमको भुक्तानी खल्ती , इ सेवा र नगदबाटै तिर्न सकिने छ । कम्तिमा १००० रुपैया सम्म र सो माथि अर्डर गर्न सकिने छ भने डेलिभरी सुल्क रु १०० लाग्ने कम्पनीले जनाएको छ ।
