पाेखरा बिश्वबिधालयका विद्यार्थीहरुको चितवनमा बिरोध प्रदर्शन

पाेखरा बिश्वबिधालयमा उपकुलपति रिक्त भएको लामो समय भइसकेको छ। अरु युनिभर्सिटीले धमाधन निर्णय गर्न थालिसकेका छन तर पाेखरा युनिभर्सिटीले लामाे समयसम्म पनि केही गर्न सकेको छैन।

आज चितवनमा पाेखरा बिश्वबिधालय मान्यता प्राप्त कलेज युनाइटेड टेक्निकल ईन्जिनियरिङ्ग कलेज , बाेस्टन ईन्टरनेशनल कलेज , भ्याली स्टेट , बिपि नर्सिङ्ग आङगिक कलेजमा अध्यनरत रहेका बिधार्थीले सामाजिक दुरीलाई कायम राखि प्लेकार्ड प्रर्दशन गरि बिराेध जनाएका छन्।

अन्य युनिभर्सिटीले लकडाउनको बेला पनि बैठक बसेर वैकल्पिक उपायहरु खोजेका छन भने, तर पोखरा विश्वविद्यालयले भने यतिका महिना सम्म पनि उपकुलपति नियुक्त नहुनु गम्भीर त्रुटी छ।

यस बिचमा पनि एउटा सूचना समेत सार्वजनिक भएकाे छैन भने करिब ४० हजार विद्यार्थी अन्यौलमा भौतारिएका छन्। यहि बिषयलाई लिएर चितवनमा आज सम्बन्धित कलेजका बिधार्थी प्रतिनिधि उपस्थित रही बिराेध प्रर्दशन जनाईएकाे छ । जसमा विभिन्न नारा उल्लेखित प्लेकार्ड प्रर्दशन भएकाे थियो ।
१ . रोकिएको नतिजा तत्काल प्रकाशित गर ।
२ . बिश्वबिधालयमा तत्काल VC नियुक्त गर ।
३ . परिक्षा सम्बन्धी तुरुन्त सुचना प्रकाशित गर ।
४ . मौका परिक्षाको समेत तत्काल टुंगो लागियाेस ।
५ . ४० हजार बिध्यार्थिको भबिष्य सुनिश्चित गर ।
६ . प्रत्येक कलेजहरुले एउटा सेमिस्टर फी मिनाह गर ।

यसै बिचमा साबिक अनेरास्ववियु सम्बन्धित बिश्वबिधालय केन्द्रीय सदस्य एबम चितवका जिल्ला कमिटी सदस्य समेत रहेका सागर पाठकले तत्काल उपकुलपति नियुक्ति नगरिए , राेकिएका माैका, नियमित परीक्षा, र रिज्लट समेत प्रकाशित शुल्क छुट नगरिए देशभरि आन्दोलनमा उत्रिने चेतावनी दिनु भयो।

बाेस्टन कलेजमा मास्टरमा अध्यनरत बिधार्थी एबम भरतपुर महानगर युवा संजाल अध्यक्ष समेत रहनु भएका सन्देश वाग्लेले समेत तत्काल बिश्वबिधालयले बिधार्थी कामकार्य नियमित नगरे देशभरि प्रर्दशन गरिने बताउनुभयाे ।

कार्यक्रममा यु टेक अनेरास्ववियु सचिब अशाेक मुक्तान क्रान्तिकारी युटेकका उपाध्यक्ष नवीन भण्डारी, बोस्टनका सुभाष अर्याल समेतले आफ्नाे भनाइ राख्नुभएकाे थियाे । साथै अन्य कलेजका बिधार्थी प्रतिनिधिकाे समेत उपस्थिति रहेकाे थियाे ।