भरतपुरमा अन्तरास्ट्रिय युवा दिवसको अवसरमा नगर युवा संजाल भरतपुरले राइनो चिल्ड्रेन पार्क भरतपुर-१२मा बृक्षारोपण कार्यक्रम सम्पन्न गरेको छ। ‘Youth Engagement For Global Action”भन्ने मूल नारालाई आत्मसाथ गर्दै यो वर्ष साउन २८ गते नेपालमा अन्तरास्ट्रिय युवा दिवस मनाइदै छ।
उक्त कार्यक्रममा भरतपुर महानगर शिक्षा शाखा प्रमुख महेन्द्र प्र. पौड्याल लगायत महानगर शाखा अधिकृत दिपक सिग्देल, राष्ट्रिय युवा प्रतिभाद्वारा सम्मानित सृजना सोति, युवा संजालका प्रतिनिधी, स्थानीय युवा र विभिन्न संघसंस्थाका युवाहरूको उपस्थीति रहेको थियो ।
कार्यकार्यक्रममा ११ ओटा बहुमुल्य तथा दुर्लभ मानिएको बनस्पति अगरउड रोपिएको संजालका संयोजक संदेश वाग्लेले जानकारी दिनु भयो। संजालले हिजो( सोमबार ) नारायणी नदि किनार सरसफाई गरेको थियो भने भोलि ( मंगलबार ) मनाबसेवा आश्रम भरतपुरमा सहयोग कार्यक्रम रहेको जनाएको छ।
नगर युवा संजालले विभिन्न समयमा महानगरलाई स्वचछ, सुन्दर, सफा र सुरक्षीत गराउन प्रभावकारी कार्यक्रमहरू गर्दै आएको छ । आगामी दिनहरूमा युवाका क्षेत्रमा गर्नुपर्ने सहयोगहरू गर्ने र हरेक क्षेत्रमा युवाहरूलाई अवसर प्रदान गर्ने योजना रहेको संयोजक वाग्लेले बताउनु भयो । कोभिड-१९ ले विश्वनै आक्रान्त रहेका बेलामा संयमित रहेर सामाजिक तथा भौतिक दुरी कायम गरेर कार्यक्रम गरिएको थियो।
युवा संजाल भरतपुर र भी ग्रुप नेपालले संयुक्त रुपमा युवा उद्दमशिलतालाई जोड दिएर पाक्षिक रुपमा कार्यक्रम गर्दै आईरहेका छन् ।
