भरतपुर महानगरपालिका वडा नं.८ ज्योति चोकमा नौ फिट लामो अजिङ्गर फेला परेको छ । भ.म.न.पा-०८ ज्योति टोलमा बस्ने प्रणनाथ सापकोटाको बारीमा नौ फिट लम्बाइ भएको १० किलोबराबरको अजिङ्गर फेला परेको श्री वनदेवि बरण्डाभार मध्यवर्ति सामुदायिक वनका सचिव सुरज प्रताप राणाले बताउनुभयो । उक्त अजिङ्गरलाई श्री वनदेवि बरण्डाभार मध्यवर्ति सामुदायिक वनमा छोडिएको छ।
गर्मी तथा वर्षाको समय र नजिकै जङ्गल रहेकाले यस अजिङ्गर आएको अनुमान गरीएको छ । सचिवका अनुसार अजिङ्गर लोपन्मुख हुनबाट बचाउन र वातावरणलाई सन्तुलित राख्न यस्ता जीवहरू ठूलो भूमिका हुने भएकाले संरक्षण गर्न आफूपनि लागि परेको बताउनु भयो । उहाले आफू जङ्गलको समितिमा बसेपछि ७०-८० वटा अजिङ्गर सहित थुप्रै गोहि तथा सर्प गाउॅंघरबाट समातेर जङ्गलमा लगेर छोडेको बताउनु भयो । वन कार्यालयको सचिवले खबर गर्नुभएकोमा धन्यवाद दिदै स्थानियलाई सर्प , गोहि तथा वन्यजन्तुको महत्वपूर्ण कुराहरू बताउदै संरक्षणमा सहयोग गर्न आग्रह गर्नुभयो ।
महानगर युवा संजालका सचिव अमित सापकटाले भने सामान्यतया सर्प भन्नेबित्तिकै सबैको सातो जान्छ, चाहे त्यो विषालु होस् वा विषरहित । अझ कतिपय मानिस त आफ्नो वरपर सर्प देख्नेबित्तिकै मार्न तम्सिहाल्छन् । सर्प, सर्पको टोकाइ र सर्प संरक्षणसम्बन्धी उचित जानकारी नहुँदा यस्ता घटना हुने गर्छन् । मानव र सर्पबीचको द्वन्द्व न्यूनीकरण गरी सर्प संरक्षण गर्ने उद्देश्यका साथ लागीपर्नुपर्ने बताए र आगामी दिनमा सर्प संरक्षणका सचेतनामूलक तथा प्रशिक्षणात्मक कार्यक्रमहरू गर्ने बताए । उनले भने मानिसको ज्यान जोगाउन सक्ने अन्य धेरै औषधि सर्पको विषबाट निर्माण गरिन्छ । न्युरोटक्सिन र हेमोटक्सिन विषबाट बनाइएका औषधि मस्तिष्कको चोट, स्ट्रोक, मानसिक तनाव, हृदयाघात, रक्तचापको उपचारका साथै पीडा कम गर्ने औषधिका रूपमा प्रयोग गरिन्छ ।
