३ कार्तिक , भरतपुर । पश्चिम चितवन भरतपुर महानगरपालिका वडा नं -२८ युवा संजालले आज आयोजना गरेको रक्तदान कार्यक्रममा ४ जना महिला सहित २३ जनाले रक्तदान गरेका छन् ।
हाल विश्वव्यापी महामारीको रुपमा फैलिएको कोरोना भाइरस (कोभिड १९)को कारण देशभर रगतको चरम अभाव देखिएकाले युवा संजाल सामाजिक उत्तरदायित्व स्वरुपमा रक्तदान कार्यक्रम आयोजना गरेको संयोजक सुन्दर तामांगले बताउनु भयो ।
प्रदेश सांसद माननीय कृष्ण भुर्तेलले रक्तदानका लागि चाहिने सामग्री हस्तान्तरण गरेर कार्यक्रमको उद्घाटन गर्नु भएको थियो । रक्तदान कार्यक्रमको सभापतिको रुपमा युवा संजाल संयोजक सुन्दर तामांग रहनु भएको थियो। उक्त कार्यक्रममा वडा अध्यक्ष आश बहादुर कुमाल ,नगर युवा संजाल संयोजक संदेश वाग्ले , भी ग्रुप नेपाल संयोजक युवा ब्यबसायी बिपिन कंडेल लगायतका अन्य अतिथिहरुको उपस्थिती थियो ।
कार्यक्रममा नगर युवा संजाल संयोजक संदेश वाग्लेले युवाहरु सामाजिक कार्यमा लाग्नुले युवावर्गमा सचेतना आएको र अब युवाहरु हरेक कुरामा सक्षम हुदै छन् भन्ने उदाहरण भएको बताउनु भयो।
कार्यक्रममा स्वागत मन्तब्य युवा संजालका सचिब रमाकान्त कंडेलले राख्नु भएको थियो भने कार्यक्रमको सहजीकरण संदेश लामिछानेले गर्नु भएको थियो।
