भरतपुर अस्पतालको मुहार फेर्ने कोसिस गर्दै महानगरका युवाहरु

भरतपुर अस्पताल देशकै प्रतिष्ठित अस्पताल मध्यको एक अस्पताल मानिन्छ। यहाँ दैनिक हजारको हाराहारीमा सेवाग्राहिलेले सेवा लिने गरेका छन्। सरकारी अस्पताल भन्ने बित्तिकै मानिसहरुले सेवा राम्रो नापाइने गुनासो बढ्दो छ। तर अब गुनासो सुन्नु नपर्ने किसिमले सेवा तथा ब्यबस्थापनमा संबेदनशील भई अब भरतपुर अस्पतालले आफुलाई देशकै नमुना अस्पताल बनाउने जमर्को गरेको पाईन्छ।

सर्वसाधरणले कुनै पनि अस्पतालमा पहिले ख्याल गर्ने भनेको त्यहाँको सरसफाई नै हो। बिशेषज्ञको प्रभाव बिरामी निको भए पछि मात्र विचार गरिने गरिन्छ। सोहि अनुरुप पहिलो चरणमा भरतपुर अस्पातलले अन्तरास्ट्रिय स्वयंसेवकको दिन देखि भरतपुरका युवाहरुसंग सहकार्य गरि सरसफाई अभियान नै संचालन गर्ने सोच रहेको देखिन्छ।

आजको मिति सम्म आइपुग्दा सरसफाई अभियान तेस्रो श्रृंखलामा आईपुगेको छ भने यो अभियान जारी रहने अस्पताल ब्यबस्थापन समिति अध्यक्ष डा भोजराज अधिकारीले बताउनु भयो। यस अभियानमा भरतपुर महानगर युवा संजालले युवा परिचालनमा महत्वपूर्ण भूमिका निर्बाह गर्दै आएको छ। देशकै नमुना अस्पताल बनाउने अभियानमा युवाहरुनै जुट्नु पर्छ, हाम्रो क्षेत्रको विकास हामी युवाले गर्नु पर्ने सोचका साथ यो अभियान सुरु गरिएको नगर युवा संजाल संयोजक संदेश वाग्ले बताउनु हुन्छ।

महानगर शिक्षा इकाई प्रमुख महेन्द्र पौड्यालको अभिभाकत्व भूमिका यस अभियानमा रहेको छ। यो चिसो, सित परेको समयमा पनि सबेरै ७ बजे युवाहरुलाई अभियानमा जोडिन प्रोत्सान गर्नु र स्वयं आफु, आफ्नो टीमसंग उपस्थित हुनुले युवाहरुको लागि प्रेरणादायी सन्देश दिएको छ।

चितवनमा रहेर विभिन्न क्षेत्रमा क्रियासिल भएका सामाजिक संघसस्थाहरु बिहान ७ बजे देखि ८ बजेसम्म एकै उद्देस्यको साथ एउटै काममा जुट्नुले देशमै राम्रो सन्देश प्रभाह भएको छ। प्रत्येक शनिबार बिहान ७ बजे अस्पताल प्रशासन ,चितवन उद्योग संघ , ,वे ग्रुप ,सेवा र बिकासका लागि युवा ,यात्रा ग्रुप , बार्सा नेपाल, सन्देश फाउन्डेसनदारी ग्यांग, हेल्प फर ह्यापिनेस ,सामर्थ्य नेपाल , स्माइल नेपाल , द युनाइटेड चितवन , लियो क्लब भरतपुर लगाएतका युवाहरु जुटेर सरसफाई गर्दै आएका छन्।

सरसफाई कार्यक्रमको पहिलो श्रृंखलामा पार्किंग क्षेत्र सरसफाई गरिएको थियो भने दोश्रो श्रृंखलामा अस्पतालको बाहिरी क्षेत्र देखि मालपोत चोक सम्म सरसफाई गरिएको थियो। आज तेस्रो श्रृंखलाबाट अस्पतालको भित्रि क्षेत्रको सरसफाई गरिने छ। विभिन्न स्थानमा फोहोर संकलन सामग्री राखिएको छ भने अब देखि जथाभाबी फोहोर फालेमा १०० देखि ५०० सम्म जरिवाना लगाइने ब्यबस्थापन समिति अध्यक्ष डा अधिकारीले बताउनु भयो।

अस्पताल क्षेत्र सबैको साझा क्षेत्र भएको कारण यस अभियानमा भरतपुरका स्थानीयहरु समेत जोडिएर यस अस्पताललाई देशकै नमुना अस्पताल बनाउन सहयोग गर्नुहुन युवा संजाल संयोजक वाग्लेले आग्रह गर्नु हुन्छ।