१६,असार,चितवन ।भरतपुर १२ चितवन स्थित ग्रीन ल्याण्ड पब्लिक स्कुलले कक्षा ९ र १० मा अध्ययनरत विद्यार्थीहरुका लागि ३ दिने नेतृत्व विकास तालिमको आयोजना गरेको छ। नेतृत्व तहमा पुग्नका लागि के कस्ता विषयमा आधारभूत ज्ञान हुनुपर्दछ। नेतृत्वदायी भूमिका कसरी निर्वाह गर्ने? नेतृत्व विकास गर्नाका लागि के के कुराको आवश्यकता पर्दछ भन्ने प्रशिक्षण प्रदान गरिएको थियो।
स्कुलकी प्राचार्य इन्दिरा कार्कीको अध्यक्षतामा आयोजित समापन समारोहमा प्रमुख अतिथि भरतपुर महानगर प्याब्सनका अध्यक्ष लेखनाथ खनाल, बिशिस्ट अतिथि शिक्षक अभिभावक संघका अध्यक्ष मनोज भुजेल, कक्षा ९ मा अध्ययनरत विद्यार्थी ह्याप्पी पौडेल लगायतले मन्तव्य ब्यक्त गरेका थिए।
चितवनको रेडियोमा पहिलो आवाज दिने वरिष्ठ रेडियोकर्मी मनोज पन्तले विद्यार्थीहरुलाई प्रशिक्षण दिएका थिए भने स्वागत मन्तव्य सह प्राचार्य उपेन्द्र आचार्यले गरेका थिए।समापन समारोहको औपचारिक खण्ड कार्यक्रम सोही स्कुलमा कक्षा ९ मा अध्ययनरत विद्यार्थी शुभम भण्डारीले संचालन गरेका थिए।
