रौतहट । रौतहटको गरुडा नगरपालिका स्थित झाँझ खोलामा बेवारिसे अवस्थामा एकजना पुरुषको शव फेला परेको छ । गरुडा ५ स्थित झाँझखोलमा नाम वतन नखुलेको अन्दाजी ५०–५५ वर्षको पुरुषको शव फेला परेको सशस्त्र प्रहरी रौतहटका प्रमुख एसपी विक्रम हुमागाईँले बताए।
आज बिहान ८ बजे खोलाको पानीमा उक्त शव तैरिरहेको अवस्थामा स्थानीयले देखेर सुरक्षा बेश दुधियाभारमा जानकारी गराएका थिए। सुरक्षा बेश दुधियाभारका प्रमुख इन्स्पेक्टर संजित कुमार सिंहको कमान्डमा ५ जना र इलाका प्रहरी कार्यालय गरुडाबाट १० जनाको संयूक्त टोलीले उक्त शवलाई बिहान ८बजेर ५० मिनेटमा खोलाबाट बाहिर निकालेको थियो ।
शवको हालसम्म पहिचान नखुलेको तथा पोस्टमार्टमको लागि प्रादेशिक अस्पताल गौरमा पटाइने सशस्त्र प्रहरीले जारी गरेको सूचनामा उल्लेख गरिएको छ।
