ईजी खोज चितवन द्वारा वनभोज तथा पद हस्तान्तरण कार्यक्रम सम्पन्न

चितवन, मंसिर १३ । Easy Khoj Chitwan District Committee तथा Easy Khoj Business Group Pvt. Ltd. को आयोजनामा आज भरतपुर–१, भतेरीस्थित Tree House Park मा भव्य वनभोज तथा पद हस्तान्तरण कार्यक्रम–२०८२ सम्पन्न भएको छ।

शनिवार सम्पन्न कार्यक्रममा संस्थाका पदाधिकारी, सदस्य तथा सरोकारवालाहरूको उल्लेखनीय उपस्थिति रहेको थियो। कार्यक्रममा नयाँ नेतृत्वलाई औपचारिक रूपमा पद हस्तान्तरण गर्दै संगठनलाई थप सक्रिय, आधुनिक तथा सदस्य–मैत्री बनाई अघि बढाउने प्रतिबद्धता व्यक्त गरिएको थियो।

कार्यक्रममा सहभागीहरूले आपसी सद्भाव, एकता एवं सहकार्य अझ मजबुत बनाउने अवसर प्राप्त भएको बताएका छन्। वनभोजले सहभागीहरूबीच सौहार्दपूर्ण वातावरणमा भेटघाट, छलफल तथा मनोरञ्जनको माहोल सिर्जना गरेको आयोजकले जनाएको छ।

चितवनमा हाल राहिनो, सगरमाथा र नारायणी गरेर ३ वटा बिजनेस समूह हरु सक्रिय रहेको Easy Khoj Business Group Pvt. Ltd. का परिकल्पनाकार बिरेन्द्र कार्कीले बताउनुभयो ।