टाटा पेन्ट्सले प्रदेश १ का आफ्ना डिलरहरूलाई लक्षित गर्दै सौरहामा विशेष डिलर मिट सफलतापूर्वक सम्पन्न गरेको छ। कार्यक्रममा कम्पनीसँग आवद्ध डिलरहरूको उल्लेखनीय सहभागिता रहेको थियो।
देशैभर एक हजारभन्दा बढी डिस्ट्रीब्युटर, डिलर तथा सब-डिलरको सञ्जाल रहेको टाटा पेन्ट्सले कार्यक्रममा आगामी योजना, बजार विस्तार रणनीति तथा गुणस्तर सुधार सम्बन्धी विषयमा जानकारी गराएको जनाएको छ। कम्पनीले डिलरहरूसँगको सहकार्यलाई अझ सुदृढ गर्दै ग्राहकलाई उत्कृष्ट सेवा प्रदान गर्ने प्रतिबद्धता समेत व्यक्त गरेको छ।
कार्यक्रममा ब्रान्ड एम्बेसडर Shristi Khadka पनि सहभागी भएकी थिइन्। कम्पनीले आगामी दिनमा लगानी विस्तार गर्दै आईपीओमा जाने लक्ष्य रहेको जानकारी गराएको छ। २२ वर्ष पुरानो टाटा पेन्ट्सले बजार विस्तार, गुणस्तर सुधार र डिलर नेटवर्कलाई अझ सुदृढ बनाउँदै अगाडि बढ्ने योजना समेत सार्वजनिक गरेको छ।
