भोली साउन ९ गते सार्वजनिक बिदा

भोलि साउन ९ गते परेको राष्ट्रिय विभूति भीमसेन थापाको २४४ औं जन्मजयन्तीमा सार्वजनिक बिदा हुने भएको छ। भीमसेन थापा गाउँपालिकाले गाउँ कार्यपालिकाको बैठकले मुलुकमा महत्वपुर्ण योगदान गर्नुभएका भीमसेन थापाको जन्मजयन्तीका दिन गाउँपालिका भित्रका सरकारी कार्यालय र विद्यालयलाई बिदा दिने निर्णय गरेको हो ।

थापाको नामबाट गाउँपालिकाको नाम राखिएकाले उहाको घर भएको ठाउँ विकासका लागि भीमसेन थापा स्मारक निर्माण गर्ने लक्ष्य राखेको अध्यक्ष पाण्डेले बताउनुभयो । सालिक राख्ने, सो घरलाई घेराबार पर्खाल लगाउने, पार्क बनाउने लगायतका योजना गाउँपालिकाको रहेको उहाँको भनाई छ ।

साउन ९ गते नै भीमसेन थापाको जन्मस्थल भनेर चिनिएको गोरखा नगरपलिका ४ मा पिपलथोकमा पनि कार्यक्रम हुने भएको छ। वडा नं ४ को कार्यालयको आयोजनामा औपचारिक कार्यक्रम गरिने वडाध्यक्ष रामशरण अधिकारीले जानकारी दिनुभयो। पिपलथोकमा गोरखा नगरपालिकाले भीमसेन थापाको सालिकसहित भीमसेन पार्क निर्माण गरेको छ।

गाउँपालिकाका अध्यक्ष ईश्वर पाण्डेका अनुसार कार्यपालिकाले थापाको पुर्ख्यौली घर भएको स्थल भीमसेन थापा गाउँपालिका वडा नं ८ चण्डीथानमा औपचारिक कार्यक्रम गर्ने निर्णय गरेको छ ।

यो पनि पढ्नुहोस्

४ लाख ७८ हजार मृगौला पिडितलाई हस्तान्तरण

दमक/ झापा जिल्ला कमल गाउँपालिका वडा नंं. ३ निवासी दुवै मृगौलापिडित निर्मल फियाक लिम्बुको उपचारका लागि केःसाङ्ला प्रर्दशन समिति मार्फत ४ लाख ७८ हजार मृगौला पीडितलाई हस्तान्तरण गरिएको छ।

पछिल्लो समय हङ्कङ र युएईबाट प्राप्त नेपाली रुपैया १ लाख ८२ हजार हस्तान्तरण गरिएको छ।
समाजसेवी एवम् एकता होटल तथा गेष्ट हाउस व्यावसायी संघका सचिव सलमान थलङ् लिम्बुको संयोजकत्वमा बनेको ‘केःसाङ्ला’ प्रर्दशन समितिले गत बैशाख २१ गते कमलपोखरी, काठमाडौंस्थित बिग मुभिज, सिटी सेन्टरमा मृगौलापिडित फियाकको सहयोगार्थ भीम तुम्बाहाम्फेको निर्माण तथा मुख्य अभिनय रहेको लोकेन सावाँ लिम्बु निर्देशित लिम्बू संस्कृतिमूलक चलचित्र ‘केःसाङ्ला’ को ‘रेड कार्पेट शो’ भव्यरुपमा आयोजना गरि फियाकलाई उपाचारार्थ रु १ लाख ६४ हजार हस्तान्तरण गरिएको थियो । त्यसपछि दक्षिण कोरिया र बेलायतबाट सहयोगी महानुभावहरुले पठाएको रु १ लाख ३२ हजार पनि विरामी फियाकलाई समितिले हस्तान्तरण ग¥यो ।

पछिल्लो पटक लिम्बु चलचित्र केःसाङ्लाका निर्माता तथा मुख्य नायक भीम तुम्वाहाम्फेको अगुवाईमा हङ्कङ्बाट विभिन्न सहयोगी महानुभावहरुबाट संकलित नेपाली रुपैयाँ १ लाख १० हजार र एकता होटल तथा गेष्ट हाउस व्यावसायी संघका उपाध्यक्ष सुरेश बरालको समन्वयमा तोक्मा – ४, जलजले, तेह्रथुममा जन्म भई धरान – १९, आनन्दमार्ग, सुनसरीमा स्थायी बसोवास रही हाल युएईको शेख दरवारमा सेक्युरिटी ईन्चार्जका रुपमा कार्यरत हरिन्द्र याक्थुङ्वा (सिंगक)ले संकलन गरि पठाएको नेपाली रुपैयाँ ७२ हजार गरि जम्मा रु १ लाख ८२ हजार, हालै केःसाङ्ला प्रर्दशन समितिका संयोजक समाजसेवी सलमान थलङ् लिम्बु, एकता होटल तथा गेष्ट हाउस व्यावसायी संघका अध्यक्ष मोहन थेवे, उपाध्यक्ष सुरेश बराल र लिम्बु चलचित्र केःसाङ्लाका निर्देशक लोकेन सावाँ लिम्बुले संयुक्त रुपमा बिरामी फियाकलाई हस्तान्तरण गर्नु भयो।

स्मरण रहोस्, हालसम्म केःसाङ्ला प्रर्दशन समितिको संयोजनमा विभिन्न देशहरु बाट प्राप्त रकम रु ४ लाख ७८ हजार मृगौलापिडित फियाकलाई हस्तान्तरण गरिसकिएको छ । सोही रकम हस्तान्तरण कार्यक्रममा जानकारी गराईए अनुसार बिरामीको आमाले मृगौला दिने निश्चित भएको र निर्मल फियाक लिम्बूको मृगौला पत्यारोपण प्रक्रिया चाडै सुरु गरिनेछ ।