प्राज्ञिक विद्यार्थी परिषद नेपालले एक दिने राष्ट्र निर्माणमा युवाको भुमिका विषयक कार्यक्रम सम्पन्न गरेको छ । मेडिकल पढ्न्ने विद्यार्थीहरुले समाज र राष्ट्रका लागि कसरी काम गर्ने, सामाजिक गतिविधिमा कसरी सहभागी हुने र विद्यार्थी परिषदको राष्ट्रव्यापी कार्य एवं स्थापनाको उदेश्य लगायतका विषयमा चर्चा भएको थियो ।
सो कार्यक्रममा विद्यार्थी परिषदका राष्ट्रिय संगठन सचिव नारायण प्रसाद ढकाल, चितवन मेडिकल कलेजका सह प्राध्यापक , ममता न्यौपाने , प्रा डा ममता तिवारी ,वरिष्ठ चिकित्सक कालू शर्मा ,राष्ट्रिय सचिव एव प्रदेश संगठन सचिव छितराज न्यौपाने , कलेजका प्रसासकीय व्यवस्थापक अरुण कोइराला लगायतका व्यक्तिहरुको उपस्थिति रहेको थियो । डा कालू शर्माले मेडिकल अध्यन गर्ने विद्यार्थीहरुले नेतृत्व विकासका बारेमा विषय राख्नु भएको थियोे ।
सह प्राध्यापक ममता न्यौपानेले विद्यार्थी परिषदको यो मानव लाई माधव बनाउने कार्यका लागि शुभकामना प्रदान गर्नु भयो । राष्ट्रिय सचिव छितराज न्यौपानेले विभिन्न विधामा अध्ययन गर्ने विद्यार्थीहरुको परिषदको चितवन मेडिकल कलेज इकाई समिति जसमा एम वि वि एस अन्तिम वर्ष अध्ययनरत छात्र प्रदिश पौडेल र वि डि एस अध्ययनरत छात्रा प्रज्ञा गुरागाइको संयोजकत्वमा २१ सदस्यीय गठन गर्नुभएको थियो । कार्यक्रम रिदिका रिजालको स्वागत मन्तव्य र एम वि वि एस अध्ययनरत विद्यार्थी जाविर अहमदको संचालनमा सम्पन्न भएको थियो ।सो कार्यक्रममा २५० भन्दा बढी मेडिकल विद्यार्थीहरुको सहभागीता रहेको थियो ।
