नायिका शिल्पा पोखरेल र निर्माता छबिराज ओझाले आफनो सम्बन्ध स्वीकार गरेपनि बिवाहको खबरलाई स्वीकार गरेका थिएनन् । नायिका रेखा थापाले केही समय अगाडी उनीहरुबीच करिब ३ बर्ष अगाडी नै बिवाह गरेको खुलासा गरेपछि उनीहरु श्रीमान श्रीमतीकोरुपमा रहेको खुलासा भयो । तथापी यी अझै पनि आफनै मुखबाट भने स्वीकार गरिसकेका छैनन् तर यी दुईले बिवाह गरिसकेको कुरा जगजाहिर भईसकेको छ । केही समय अगाडीदेखि शिल्पा र छबिराजबीच मनमुटाव समेत चलिरहेकोखबर बाहिरिएको थियो । यसबीच शिल्पा छबिराज बिरुद्ध घरेलु हिंसा गरेको आरोप लगाउँदै प्रहरीमा उजुरी दिएकीछिन् ।
काठमाडौं प्रहरी परिसरका प्रवक्ता डीएसपी होविन्द्र बोगटीका अनुसार शिल्पाले गएको तीन दिन अगाडि छबिले आफुमाथि हिंसा गरेको भन्दै उजुरी दिएकी हुन् । शिल्पाले श्रीमानले कुटेर आफनो कानको जाली नै फुटाईदिएको भन्दै उजुरी दिएकी हुन् । उनी बोल्नै नसक्ने अवस्थामा रहेको पनि बताईएको छ । शिल्पाले श्रीमानबाट असुरक्षा भएको भन्दै सुरक्षाको माग समेत गरेकीछिन् । हाल शिल्पा निर्माता एवं निर्देशक बिकास रौनियार जसलाई उनले भाईटिका लगाएर दाई बनाएकी थिईन । उनकैको घरमा शरण लिएर बसिरहेकीछिन् ।
बुझिए अनुसार शिल्पाले छबिसंग डिभोर्स मागेकीछिन् । उनीहरुबीचको बिवाद के कारणले प्रहरी उजुरीसम्म पुग्यो भन्ने चाही खुलेको छैन । दुबैलाई प्रहरीले छलफलका लागि बोलाएको थियो तर छबि बिरामी परेको भन्दै भोली मात्र प्रहरी परिसरमा आउँन बताईएको छ । रेखा थापासंग डिभोर्स भएसंगै छबिराज र शिल्पाबीच प्रेम सम्बन्ध रही बिवाह भएको थियो । शिल्पा छबिको चौथो श्रीमतीको रुपमा भित्रिएकी थिईन् । कतिसम्म भने म्युजिक भिडियोमा अभिनय गर्दै आईरहेकी शिल्पालाई छबिले नै सिनेमा क्षेत्रमा भित्राएका थिए । आफुले निर्माण गर्दै आईरहेको हरेक फिल्ममा शिल्पा नै नायिकाको रुपमा रहँदै आएकी थिईन् ।
