कोभिड १९बाट विश्वभर ज्यान गुमाउनेको संख्या ६४ हजार नाघ्यो

कोरोना भाइरस (कोभिड १९)बाट विश्वभर ज्यान गुमाउनेको संख्या ६४ हजार नाघेको छ । भाइरसबाट आइतबार यो समाचार तयार पार्दासम्म ६४ हजार ७८८ जनाको मृत्यु भएको वर्ल्डोमिटरले जनाएको छ ।

यसैगरी भाइरसबाट संक्रमितको संख्या १२ लाख भन्दा माथि भएको छ। आइतबारसम्म १२ लाख ३ हजार ९५९ जना यो भाइरसबाट संक्रमित भएका छन् । जसमा २ लाख ४७ हजार ३०१ जना मात्रै निको भएका छन् । संक्रमतिहरुको उपचार भइरहेको छ । सबै भन्दा धेरै संक्रमित अमेरिकामा भएका छन् । अमेरिकामा ३ लाख ११ हजार ६३७ संक्रमित भएका हुन् ।

हालसम्म कोरोना भाइरसको संक्रमण २०० भन्दा बढी देशहरुमा फैलिसकेको छ भने भाइरसबाट सबैभन्दा धेरै मृत्यु इटालीमा १५ हजार ९४७ जनाको भएको छ । यस्तै अमेरिकामा ८ हजार ४५४ , स्पेनमा ११ हजार ९४७ , फ्रान्समा ७ हजार ५६० जनाको मृत्यु भएको छ भने चीनमा ३ हजार ३२९ जनाको मृत्यु भएको छ । नेपालमा हालसम्म ९ जना संक्रमित भएका छन् । त्यसमा पनि एक जना निको भइसकेका छन् ।