सृजन घिमिरे ,झापा, चैत २३ । कोरोनाको त्रासका कारण झापाको मेचीनगरका चिया उद्योग बन्द गरिएको छ । मजदुरहरुको ठूलो भिडभाड हुने भएकाले कोरोना फैलन सक्ने भन्दै चिया उद्योग बन्द गरिएको हो ।
दुई दिन अघि मात्रै प्रदेश सरकारको निर्देशन र स्थानीय तहको समन्वयमा सञ्चालनमा आएका चिया उद्योगहरुमा काम गर्ने मजदुर असुरक्षीत हुने र त्यसबाट सबैतिर जोखिम बड्ने भन्दै आजदेखि पुन चिया उद्योग बन्द भएका छन ।
आइतबार बिहान मेचीनगर नगरपालिकाका प्रमुख बिमल आचार्यको समन्वयमा प्रदेश सांसद गोपालचन्द्र बुढाथोकी, उपप्रमुख मिना उप्रेतीले संयुक्त रुपमा चिया उद्योग सञ्चालकहरुलाई तत्कालका लागि उद्योग सञ्चालन बन्द गर्न अनुरोध गरे पछि चिया उद्योग बन्द भएका हुन ।
नगरपालिकाले तोकेको मापदण्ड पुर्याएरै उद्योगहरु सुचारु गरेको देखिएता पनि त्यसले निरन्तरता पाउने कुरामा बिश्वास गर्न सकिने आधार नभए पछि जोखिम कम गर्न तत्कालका लागि चिया उद्योग बन्द गराइएको मेचीनगर प्रमुख आचार्यले बताउनु भयो ।