आँचलको हातमा उदीपको नामको ट्याटू

काठमाडौं । हालै विवाह बन्धनमा बाँधिएकी नायिका आँचल शर्माले पति डा. उदीप श्रेष्ठको नामको ट्याटू आफ्नो हातमा खोपाएकी छन् । गत फागुनको अन्तिम हप्तामा विवाह बन्धनमा बाँधिएकी उनले हालै पति उदीपको नामको ट्याटू खोपाएकी हुन् । फागुन २९ गते सामाजिक परम्पराअनुसार उनीहरुले विवाह गरेका थिए ।

आँचल र उदीपबीचको भएको वैवाहिक कार्यक्रम निकै आकर्षक र महंगो रहेको भन्दै सञ्चार माध्यम र सामाजिक सञ्जालमा चर्चा पाएको थियो ।फागुन २९ गते लगठन गाँठो कसेका आँचल र उदीप रिसेप्सन पार्टीमा हेलिकप्टर गएकोदेखि आँचलले लगाएको लहेंगा र गहनाको मूल्यले पनि सामाजिक सञ्जाल तताएको थियो ।