१५ बैशाख २०७७ सलमान खान बलिउडका निकै लोकप्रिय अभिनेता हुन् । उनलाई उनीसँग काम गरेका र उनका नजिक रहेका सबै कलाकारले निकै माया र सम्मान गर्ने गर्छन् । सलमान पनि आफूसँग नजिक रहेका फिल्म क्षेत्रका कलाकारहरुलाई निकै माया गर्ने गर्छन् ।
जसमध्ये एक वरुण धवन पनि हुन् । वरुण र सलमानको मित्रता साच्चै नै लोभलाग्दो छ । सलमान वरुणलाई निकै माया गर्छन् र वरुण पनि सलमानको निकै सम्मा गर्छन् । उनीहरुको माया विभिन्न अवार्ड शो हरुमा देखिसकेको छ ।
यस्तै धेरैलाई थाहा छैन होला तर कुनै समयमा सलमानले नै वरुणलाई थप्पड हान्ने धम्की दिएका थिए । कुरा वरुण फिल्म क्षेत्रमा आउनुभन्दा अगाडीको नै हो । बरुण र सलमानको पहिलो भेट चलचित्र सम्बन्धी नै एक कार्यक्रममा भएको थियो । त्यहाँ चलचित्र क्षेत्रमा धेरै व्यक्तित्वहरुको उपस्थिति रहेको थियो ।
सलमानको ठूलो फ्यान रहेका वरुणले त्यतिबेला सबैको अगाडी सलमानलाई अकंल भनेर सम्बोधन गरेका थिए । सलमानभन्दा निकै कान्छा वरुणले सलमानलाई अकंल भन्नु ठूलो कुरा थिएन । तर सलमानलाई वरुणले अकंल भनेको मन परेन । त्यसपछि उनले वरुणलाई अबदेखि अकंल भनेको सुनेपनि थप्पड हान्छु भनेका थिए ।
त्यसपछि वरुणले सलमानलाई कहिल्यै पनि अकंल भन्ने आँट गरेनन् । अहिले वरुण सलमानलाई भाई भनेर सम्बोधन गर्ने गर्छन् । सलमानलाई धेरैले भाइजान भनेर बोलाउँछन् । त्यसैले उनलाई त्यहि नामले बोलाएको मनपर्छ ।
