सम्पुर्ण विश्व नै कोरोनाको चपेटामा परेको यो अवस्थामा हाम्रो देश पनि यो अवस्थाबाट अछुतो रहन सकेन । नेपालमा बिदेशबाट स्वदेश आउने यात्रु मार्फत पहिको पटक कोभिड-१९ भित्रीयो , साथै कोरोनाको अन्वेषणको पनि टेकु स्थित ” रास्ट्रिय जनस्वास्थ्य प्रयोगशाला “बाट सुरु गरियो । अपेक्षा गरिएको थियो , नेपालका धेरै मात्रामा रहेका मेडिकल कलेजहरु यस बिपत्तिको अवस्थामा सरकारको काममा आउनेछ्न तर त्यसो हुन सकेन ।
यसै अवस्थामा नेपाल पशु चिकित्सा परिषद र नेपाल भेटेरिनरी एसोसिएसनको पहलमा भरतपुर चितवन स्थित रास्ट्रिय पन्छी रोग अन्वेषण प्रयोगशालामा कोभिड – १९ को परिक्षण सुरु गरियो साथै धनगढी र विराटनगरका भेटेरिनरी प्रयोगशालाहरु पनि यस कामको लागि तयार भए र परिक्षण पनि सुरु गरियो उक्त स्थानहरुमा । नेपाल भेटेरिनरी एसोसिएसन साथै नेपाल पशु चिकित्सा परिषदबाट बारम्बार नेपालमा रहेका थुप्रै भेटेरिनरी प्रयोगशालाहरु कोरोना परिक्षणमा सक्षम रहेको र सरकारले चाहेमा प्रयोग गर्न सक्ने भन्दै नेपाल सरकार तथा स्वास्थ्य मन्त्रालयको ध्यानाकर्षण पनि गरिएको छ ।
लकडाउनको अवस्थामा पनि सम्पुर्ण पशु चिकित्सक तथा भेटेरिनरी प्राविधिकहरु टेलि – मेडिसिन सेवाका साथै आवश्यकता अनुसार फिल्डमै खटिएका छ्न जस्को निम्ति समन्वय गर्ने नेपाल भेटेरीनारी एसोसिएसन र नेपाल पशु चिकित्सा परिषद धन्यवादका पात्र हुन । देशले भोगेको कठिन परिस्थितिमा निस्वार्थरुपमा कोरोनाको परिक्षण र रोकथाममा भेटेरिनरी क्षेत्रले गरेको योगदानलाई कदर गर्न सरकार कहि कतै चुकेको भान पनि हुँदै छ , साथै विभिन्न सूचनाहरु मार्फत पशुपन्छीको उत्पादन तथा खपतमा असर पर्ने खालका भ्रमहरु बाहिर आउँदा , पशु – चिकित्सा क्षेत्र र सरकारी सयन्त्रहरु बिच उचित छलफल तथा समन्वयको अभाव देखिएको छ ।
प्रयोगमा आएका भेटेरिनरी प्रयोगशालाको नाम सहि किसिमले कहि कतै उल्लेख नभएको भन्दै नेपाल भेटेरिनरी एसोसिएसनका अध्यक्ष डा. शितलकाजि श्रेष्ठले एक बिज्ञप्ति मार्फत सरकारको ध्यानाकर्षण पनि गराउनुभएको छ साथै पशु क्षेत्र र पशु चिकित्सकको योगदानको उचित कदर हुनुपर्ने नेपाल पशु चिकित्सा परिषदको माग रहेको छ । देश समस्यामा पर्दा सबै क्षेत्रले आफुले सक्दो सयोग गर्नुपर्छ भन्ने कर्तव्यबोधका साथ अगाडि बढेका नेपाल पशु चिकित्सा परिषद तथा नेपाल भेटेरिनरी एसोसिएसन सङ्ग नेपाल सरकारले अझै व्यवस्थित साझेदारी गरेर अगाडी बढ्दा देश र जनता दुबैको भलो हुने देखिन्छ ।
अहिलेको यो महामारीले निम्त्याउन सक्ने एउटा समस्या हो खाध्य सङ्कट , जस्को निम्ति नेपाल सरकार तथा कृषि मन्त्रालयले आवस्यक थुप्रै तयारी गर्नुपर्ने अवस्था छ । कृषि ,पशु उत्पादनको ब्यवस्थापन तथा मर्कामा परेका किसानहरुको लागि राहात प्याकेजको सरकारले ब्यवस्था गरि यस महामारीबाट प्रभावित क्षेत्रको बैंक ऋण तथा ब्याजमा सरकारले केही सहुलियतको ब्यवस्था गर्नैपर्छ ।
डा. विमोचन पौडेल , पशु चिकित्सक
