२६ बैशाख २०७७, काठमाडौँ चलचित्र ए मेरो हजुर ३ बाट नेपाली रजतपटमा भित्रिएकी नायिका सुहाना थापाले पहिलो चलचित्रबाट नै लोभलाग्दो सफलता हासिल गरिन् । पहिलो चलचित्रमा नै उनको अभिनयको दर्शकले मुक्तकण्ठले प्रशंसा गरे ।
उनी ए मेरो हजुर ४ को तयारी गरिरहेकी थिइन् । तर लकडाउनका कारण ए मेरो हजुर ४ को छायांकन बिचैमा रोकिएको छ । जसका कारण उनी अहिले घरमा समय बिताइरहेकी छिन् । आज उनै नायिका सुहाना थापाको जन्मदिन रहेको छ ।
सुहानाको जन्मदिन भएकाले उनलाई सामाजिक सञ्जालमा शुभकामना दिनेको ओइरो नै लागेको छ । यसअघि सुहानाले सबैमाझ आफ्नो जन्मदिन निकै विशेष तरिकाले मनाएकी थिइन् । यसपटक भने लकडाउनका कारण उनको जन्मदिन सामान्य हुने भएको छ । हाम्रो तर्फबाट पनि सुहानालाई जन्मदिनको धेरै शुभकामना ।
तपाईको प्रतिक्रिया
