पोखरामा आर्यनसँग रोमान्टिक मुडमा देखिइन् उपासना

कलाकार हुन त्यति सजिलो छैन । कलाकारले हरेक कुराको सामना गर्नुपर्ने हुन्छ । छायांकनको समयमा चिसो, गर्मी भन्ने नै हुदैँन । कहिले मर्ने गर्मीमा काम गर्नुपर्छ त कहिले निकै जाडोमा काम गर्नुपर्छ । यस्तै अहिले माघको चिसोमा नायिका उपासना सिंह ठकुरी र नायक आर्यन सिग्देल निकै मेहेनत गरेर काम गरिरहेका छन् ।

३ दिनदेखि पोखरामा चलचित्र डिसेम्बर फल्स को छायांकन भैरहेको छ । चलचित्रमा आर्यन सिग्देल र उपासना सिंह ठकुरी मुख्य भूमिकामा देखिदैँ छन् । आर्यनले हालैमात्र सामाजिक सञ्जालमा एक तस्बिर गर्दै निकै चिसोमा काम गर्नुपरेको तर रमाइलो पनि लागिरहेको बताएका छन् ।

उपासनाले पनि पहिलो पटक आर्यन सिग्देलसँग काम गर्न पाउँदा आफूलाई निकै नै खुसी लागेको बताएकी छिन् । तस्बिरमा आर्यन र उपासना निकै रोमान्टिक मुडमा देखिएका छन् । फ्यानहरु आर्यन र उपासनाको केमेष्ट्रि हेर्न निकै आतुर पनि छन् ।