अक्षय कुमारको ‘सेल्फी’ र जापानको एनिमे फिल्म हलमा

आज शुक्रबार नेपाली हलहरूमा दुई विदेशी फिल्म प्रदर्शनमा आएका छन्। कुनै पनि नेपाली फिल्म प्रदर्शनमा नआउँदा बलिउड फिल्म ‘सेल्फी’ र जापानिज फिल्म ‘स्वर्ड आर्ट अनलाइन द मुभी: प्रोगेसिभ- स्केटसो अप डीप नाइट’ प्रदर्शनमा आएका हुन्।

राज मेहताले निर्देशक गरेको फिल्म ‘सेल्फी’ मा अक्षय कुमार, इमरान हाशमी, नुरत भरूचा, मृणाल ठाकुरलगायत कलाकारको अभिनय छ। फिल्ममा अक्षय एक सुपरस्टार विजयको भूमिकामा देखिएका छन् भने इमरान हाशमी उनको फ्यानको भूमिकामा देखिएका छन्। हिरो यश जोहर, अरुण भटिया, सुप्रिया मेनन, करण जोहर, पृथ्वीराज सुकुमारण, अपुर्भा मेहताको लगानी रहेको फिल्मको कथा र पटकथा ऋशव शर्माले तयार पारेका हुन्।

यो फिल्म मलयालम फिल्म ‘ड्राइभिङ लाइसन्स’ को हिन्दी रिमेक हो। अयाको कोनोले निर्देशन गरेको फिल्म ‘स्वर्ड आर्ट अनलाइन द मुभी: प्रोगेसिभ- स्केटसो अप डीप नाइट’ मा हारुका टोमात्सु, योशित्सुगु मात्सुओका, इनोरी मिनासेलगायतको अभिनय छ। यो जापानीज एनिमे फिल्म हो।