५ मंसिर, नवलपुर । पूर्व–पश्चिम राजमार्गअन्तर्गत नवलपरासी (बर्दघाट–सुस्ता पूर्व) को मध्यविन्दुमा शुक्रबार एउटा बस दुर्घटना हुँदा २० जना घाइते भएका छन्।
नारायणघाटबाट बुटवलतर्फ जाँदै गरेको लु २ ख २८४५ नम्बरको बस मध्यविन्दु–८ खजुरी खोलानजिक अनियन्त्रित भएर दुर्घटना परेको प्रहरीले जनाएको छ।
जिल्ला प्रहरी कार्यालयका सूचना अधिकारी प्रहरी नायव उपरीक्षक मधु नेपालका अनुसार घाइते सबैलाई मध्यविन्दु प्रादेशिक अस्पताल, डण्डामा उपचारका लागि लगिएको छ।
प्रहरी चौकी तम्सरिया र स्थानीयको सहयोगमा घाइतेहरूको उद्धार कार्य सम्पन्न गरिएको छ। प्रारम्भिक अनुसन्धानले बस अनियन्त्रित भई सडकबाट तल खसेको देखिएको प्रहरीको भनाइ छ।
