”सिमानाको सुरक्षाको लागि म तयार छु।”-सुबास सुबेदी

सुबास सुबेदी ।भरतपुर ।
परापुर्ब कालदेखि हाम्रो नेपालको जमिन मिच्दै आएको छ भारतले। भारतको यस्तो कर्तुत कहिले सम्म सहने हामीले? देशको अस्तित्व माथी यसरी छिमेकी हाभी हुँदा सधै हामी चुप लागेर बस्ने हो? जवाफ फर्काउन हामी आतुर छौं।

यदि सधैं छिमेकिले सिमा मिच्न खोज्छ भने देशका सबै नागरिकलाइ सैन्य तालिम दिइयोस सरकार। देशको जिम्मा हामी युवालाइ दिएर हजारौं हजारको फौज बनाइ सिमामा खटाइयोस। देश रहे मात्र हामी रहन्छौ।

बरु हामी लड्न तयार छौ तर हाम्रो नेपाल आमाको एक इन्च जमिन कसैलाइ दिने छैनौं। आफ्नो आमालाइ छिमेकिले चिर्न खोज्दा हाम्रो मन रोएको छ। हामी प्रतिकार गर्न तयार छौं। आफ्नो नेपाल आमालाई बचाउन ज्यानको बाजि लगाउन तयार छौं। अरुले यसो गर्दिए म पनि सहयोग गर्ने थिए भनेर मौन बस्नु हुदैन।

सुरुवात आफुबाट हुनुपर्छ। तालिम दिएर हामी युवालाइ देशको सबै नाकामा खटाउने हो भने म तयार छु।