गोरो अनुहार नायिकाको पर्याय हो। चाहे हलिउड, बलिउड होस् या कलिउड। यतिबेला विश्वभर रंगभेदी आन्दोलन उत्कर्षमा पुगेको छ।
यस्तोमा मुहार ‘गोरो’ बनाउन भनेर प्रचार गर्ने बलिउड नायिका दीपिका पादुकोण फेयरनेस क्रिम ब्रान्डबाट अलग भएकी छन्।
फेयरनेस क्रिमको प्रचार गरेको भन्दै कलाकारको तीव्र आलोचना भइरहेका बेला दीपिका फेयरनेस क्रिम र कोला ब्रान्डबाट अलग भएकी हुन्।
अमेरिकी अश्वेत नागरिक जर्ज फ्लोयडको हत्यापछि भारतमा पनि रंगभेदविरुद्धको अभियान चर्चामा छ। यो अभियानको पक्षमा कैयौं कलाकार उभिएका छन्।
छाला गोरो बनाउने फेयरनेस क्रिमको विज्ञापनलाई लिएर दीपिकासहित कलाकारको आलोचना भएपछि दीपिकाले आफ्नो ब्रान्ड छनोटमा गल्ती भएको भन्दै पश्चाताप गरेकी छन्।
दीपिका उक्त ब्रान्डको विज्ञापनमा लामो समयदेखि आबद्ध थिइन्। त्यतिबेला फेयरनेस क्रिम प्रवद्र्धन गर्नु सामान्य कुरा थियो। अहिले रंगभेदी आन्दोलनले स्थिति फरक भएको छ।
