काठमाडौं– प्रधानमन्त्री केपी शर्मा ओली यतिबेला चर्चामा हुनुहुन्छ ।
राष्ट्रिय एकताको सवालमा उहाँले गर्नु भएका पछिल्ला कार्यहरुले उहाँको उचाइ ह्वात्तै बढाएको छ ।
खासगरी कालापानी, लिपुलेक तथा लिम्यिाधुरालाई नेपाली भूभागको रुपमा नयाँ नक्सामा समावेश गर्ने तथा त्यसलाई संसदबाट पारित गराउनका लागि उहाँको योगदानको प्रसंशा गर्नैपर्छ ।
यही मेसोमा प्रधानमन्त्री ओली प्रति समर्पित एउटा गीत सार्वजनिक गरिएको छ ।
‘केपी ओली : देशका लागि बाँची रहे’ शीर्षकको उक्त गीतको म्युजिक भिडियो हालै सार्वजनिक भएको छ ।
राष्ट्रिय गीतको रुपमा तयार पारिएको उक्त गीतलाई गायक शिशिर योगीले गाएका छन् । उक्त गीतमा महेश खड्काको संगीत निर्देशन छ भने एस क्षेत्री यसलाई रचना गरेका हुन् ।
मन्डन म्युजिक नेपालको यूट्युब च्यानलबाट उक्त गीतको भिडियो सार्वजनिक गरिएको हो ।
