काठमाडौँ । कलेजो शरीरको सबैभन्दा ठूलो अंग हो। यसले ग्लुकोज उत्पादन र भण्डारण, पित्त उत्पादन, रगत जम्ने तत्व र कोलेस्ट्रोल उत्पादन गर्छ। पछिल्लो समय नेपालमा कलेजो क्यान्सरका बिरामी बढ्दो क्रममा छन्।
अत्यधिक मदिरा सेवनले नै कलेजो क्यान्सरको मुख्य कारण बन्ने गरेको जानकारी वीर अस्पतालका पेट तथा कलेजोगोग विशेषज्ञ डा भूपेन्द्रकुमार बस्नेतले दिएका छन्।
क्यान्सरको कारण मृत्यु हुनेमध्ये कलेजोको क्यान्सर पाँचौँ स्थानमा पर्छ। कलेजोको क्यान्सकार विभिन्न प्रकारमध्ये ‘हेपाटोसेल्युलर कार्सिनोमा’ मुख्य हो।
हेपाटाइटिस बी कलेजो क्यान्सरको मुख्य कारण हो। ५० प्रतिशतभन्दा बढी क्यान्सरको कारक हेपाटाइटिस बीलाई मानिन्छ।खानेकुरामा पाइने एक किसिमको टक्सिनले कलेजोमा समस्या ल्याउँछ।
लिभर सिरोसिस अर्थात् कलेजोमा आउने कडापनबाट पनि क्यान्सरको सम्भावना हुन्छ। अत्यधिक मदिरा सेवन गर्ने व्यक्तिमा सिरोसिस हुने गर्छ।
