एजेन्सी । हामी कुनै कारणवश वा काममा बाहिर निस्किने बेलामा संयोगवश शरीरमा पंक्षीहरुको दिसा पर्यो भने त्यसलाई अशुभ भन्ने गरिन्छ । यसको कारण के होला त धेरैलाई यसको बारेमा थाहा नभएपनि यसलाई अशुभ ठानेर डराउने गरेको देखिन्छ ।
शरीरमा त्यसमा पनि टाउकोमा चराको दिसा पर्नुलाई निकै नै अशुभ मानिन्छ । त्यसरी शरीरमा पंक्षीको दिसा परेको बेला रिस पनि उठ्छ । ज्योतिषशास्त्र अनुसार यसरी उडिरहेको चराले मानिसको जिउमा दिशा गर्नुलाई शुभ मानिएको छ ।
ज्योतिष शास्त्रका अनुसार संयोगवश चरा चुरुंगीले शरीरमा बिस्ट्याउदा धन लाभ हुने सङ्केत गर्छ । उक्त दिन शुभ समाचार आउने र लामो समयदेखि रोकिएर बसेका कामहरू पुरा हुने सङ्केत गरेको भन्ने उल्लेख गरिएको छ ।
चरा आफू गएको दिशातिर जान्छ वा दाहिने दिशातर्फ नगई उल्टो वा देब्रे तर्फ गएको देख्नुभयो भने यात्रा गर्न नहुने तथा अशुभ मानिने शास्त्रमा उल्लेख गरिएको छ ।
