सप्तगण्डकी क्याम्पसमा अध्ययनरत ७०% भन्दा बढी विद्यार्थीहरू देशका ग्रामिण भेगबाट छन् र अर्थिक रूपमा कम्जोर पनी छन्। अहिले कोरोना माहामारीबाट उत्पन्न बिषम परीस्थितिका कारण धेरैजसो विद्यार्थीहरू आफ्नो गाउँ फर्केका छन्।
कतिपय विद्यार्थीसँङ्ग एन्ड्ररोयड फोन छैन यदि भएपनि ग्रामिण भेगमा भएका विद्यार्थी इन्टरनेटको पहुँचबाट बन्चित छन्। लकडाउन भएको आजको दिनसम्म मौन रहेको क्याम्पस प्रशासनले लकडाउन सकिने अबस्थामा अनलाइन कक्षा संचालनबारे सुचना प्रकाशित गरेकोमा सम्पुर्ण विद्यार्थीको आपत्ति छ ।
अनलाईन कक्षा कसैको रहरले सन्चालन हुन् सक्दैन। सबै विद्यार्थीले कक्षा लिन सक्छन् सक्दैनन् भन्ने कुराको हेक्का नराखी गरीएको निर्णय गलत छ । यसरी कक्षा सन्चालन गर्नु भनेको गरीब तथा ग्रामिण भेगको विद्यार्थीलाई शिक्षाबाट बन्चित गराइनु हो।
क्यम्पस प्रशासनले गरेको अनलाइन कक्षा सन्चालन गर्ने निर्णय गरीब र ग्रामिण भेगमा रहेका विद्यार्थीको भबिष्यमाथिको खेलवाड हो र यस्तो निर्णय कदापी विद्यार्थीको हितमा हुँदैन । क्याम्पस प्रशासनले यो अनलाइन कक्षा सन्चालन गर्ने निर्णय खारेज गर्नुपर्छ।
यो अबस्थामा अनलाइन कक्षा सन्चालन गरीयो भने गरीब र ग्रामिण भेगका विद्यार्थीलाई शिक्षाको अधिकारबाट बन्चित भएको अनुभुति हुन्छ।
यस बिषयमा क्याम्पस प्रशासनको गम्भिर ध्यानाकर्षण होस ।
– महेश सापकोटा
अनेरास्ववियु सप्तगण्डकी
