२०७४ सालको निर्वाचन पछि निकै ठूलो जनमतका साथ केपि ओलि आफ्नो पार्टी तत्कालिन एमाले , चुनावी साझेदार एकीकृत माओवादी केन्द्र अनि जनमानसमा निर्विरोध भएर दोस्रो पटक प्रधानमन्त्रीको कुर्सीमा आसिन भने । प्रधानमन्त्री प्रती जनताका अपेक्षाहरुको एउटा ठूलो चाङ्ग नै थियो , अनि थिए थुप्रै चुनौतीहरु पनि । तत्कालीन समय देखि अहिले सम्म देखिएको बिडम्बना के हो भने , प्रधानमन्त्री माथी भएको आफ्नै पार्टी होस वा विभिन्न सन्चार माध्यममार्फत भएका प्रहारहरु जुन एकदमै उदेक लाग्दा छ्न । जनताले देख्न चाहेको स्थाइ सरकारलाई हल्लाउन खोज्ने , ढलाउन खोज्ने त्यस्ता निकृस्ट प्रवृतीहरुसङ्ग अहिले सम्म प्रधानमन्त्री केपि ओलि कुशलतापुर्वक लड्दै र जुद्द्दै आएका छ्न ।
सरकार संचालनमा प्रम केपि ओलि शतप्रतिशत सन्तुलित र सहि छ्न भन्न त स्वयंम प्रधानमन्त्रीलाई गार्हो होला तर केही कमि कमजोरीलाई पन्छाएर हेर्ने हो भने केपि ओलिको नेतृत्वमा दृघकालिन महत्वका थुप्रै महत्त्वपूर्ण कामहरु भएका छ्न, देशमा बिकास निर्माणका कामहरुले गति लिएका छन भने भ्रष्टचार केही हदसम्म नियन्त्रणमा भएको छ । देशका केही मिडियाहरुको जागिर नै निराशाको खेती गर्ने भएको यो अवस्थामा रास्ट्रनिर्माणको कुरुक्षेत्रमा होमिएका केपि ओलि नेपालका सर्वोच्च नेता हुन , निर्विकल्प प्रधानमन्त्री हुन ।
सुबास सुबेदी, सचिव अनेरास्ववियु सप्तगण्डकि बहुमुखी क्याम्पस।
