पेरिस र सिंगापुरलाई पछि छाडेर बन्यो यो विश्वकै महँगो सहर, जान्नुहोस् कुन हो सस्तो सहर ?

विश्वको सबैभन्दा महँगो सहर द इकोनोमिस्ट इन्टेलिजेन्स युनिट (इआइयु) ले जीवनयापनका आधारमा विश्वभरका सहरहरूको सूची सार्वजनिक गरेको छ। यस वरीयतामा इजरायलको तेल अवीवलाई विश्वको सबैभन्दा महँगो सहरको रूपमा वर्णन गरिएको छ। संसारका अन्य शहरहरूको तुलनामा यहाँ बस्नेहरुको लागत धेरै उच्च छ। अघिल्लो रिपोर्टको तुलनामा यस पटक तेल अभिभ पाँच स्थान माथि उक्लिएको छ । विश्वभरी जीवनयापनको लागत सूचकांक १७३ सहरमा वस्तु तथा सेवाको अमेरिकी डलरमा मूल्यको तुलनाको आधारमा जारी गरिएको हो ।

यस वरीयतामा सिरियाको राजधानी दमास्कसलाई बस्नका लागि संसारकै सस्तो सहरको रूपमा वर्णन गरिएको छ । लिबियाको त्रिपोली, उज्वेकिस्तानको तास्कन्द, ट्युनिसियाको ट्युनिस, कजाकिस्तानको अल्माटी, पाकिस्तानको कराची, भारतको अहमदाबाद, अल्जेरियाको अल्जियर्स, अर्जेन्टिनाको ब्युनोस आयर्स र जाम्बियाको लुसाका सहर पनि सस्तो सहरको वरियतामा परेका छन् ।

तेल अवीभले आफ्नो राष्ट्रिय मुद्रा, शेकेल (यहूदीहरूको पुरानो सिक्का), यातायात र घरायसी सामानको मूल्य डलरको तुलनामा बढेको कारणले यो स्थान हासिल गरेको हो। पेरिस र सिंगापुर संयुक्त रूपमा वरियतामा दोस्रो स्थानमा छन्। त्यसपछि जुरिच र हङकङ छन्। योसँगै न्युयोर्क छैटौं र जेनेभा सातौं स्थानमा परेको छ । १ देखि १० सम्मको वरियतामा कोपनहेगन आठौं, लस एन्जलस नवौं र जापानको ओसाका सहर १० औँ स्थानमा छ । गत वर्षको सर्वेक्षणमा पेरिस, जुरिच र हङकङ संयुक्त रूपमा पहिलो स्थानमा परेका थिए।

यस वर्षको तथ्याङ्क अगस्ट र सेप्टेम्बरको हो। जब विश्वभर दैनिक उपभोग्य वस्तु तथा वस्तुको मूल्यवृद्धि भएको थियो । सोही अनुसार स्थानीय मूल्यमा औसत ३।५ प्रतिशतले वृद्धि भएको छ । जुन पछिल्लो पाँच वर्षयताकै तीव्र मुद्रास्फीति दर हो । इआइयुमा विश्वव्यापी जीवन खर्चको प्रमुख उपासना दत्तका अनुसार, ूकोरोना भाइरस महामारीका कारण लगाइएको प्रतिबन्धले सामानको आपूर्तिमा बाधा पुर्यायो, जसले मूल्य बढ्यो।ू